Já, ef þig langar að hreyfa þig meira, verða sterkari, fá meiri orku og koma góðum venjum aftur inn í lífið. Þú þarft ekki að vera í góðu formi þegar þú byrjar, tímarnir eru byggðir þannig upp að hægt sé að aðlaga æfingar að mismunandi getu.

Við hittumst einu sinni í viku í 90 mínútur í Endurheimt. Tímarnir eru fjölbreyttir og við vinnum meðal annars með styrk, úthald, liðleika og endurheimt. Það verður líka pláss fyrir spjall, fræðslu og síðast en ekki síst, góða stemningu.

Nei. Þú þarft hvorki að vera í góðu formi né vön líkamsrækt. Þú byrjar þar sem þú ert og ég hjálpa þér að finna æfingar og álag sem hentar þér.

Sex vikulega 90 mínútna KJARNA-tíma, aðgang að Í KJARNA netnámskeiðinu í þrjá mánuði, vikuleg fókusatriði, lokaðan hóp og sameiginlega útiveru á námskeiðstímanum.

Nei. það eru engin boð eða bönn. Við skoðum frekar einfaldar breytingar sem geta hjálpað þér að borða betur í þínu daglega lífi.

Þú færð uppskriftabók með einföldum hollum uppskriftum.

Fasti tíminn er 90 mínútna KJARNA-tíminn einu sinni í viku. Netnámskeiðið og annað efni notar þú eins mikið eða lítið og hentar þér. Þetta á ekki að verða annað verkefni á verkefnalistanum.

Þú heldur áfram með hópnum vikuna á eftir og getur nýtt þér efnið í netnámskeiðinu á milli. Þar eru upptökur af styrktaræfingum, mjúkum flæðisæfingum, bandvefslosun og fleira.

Hámark 10 konur eru í hverjum hópi. Hópurinn er viljandi lítill svo ég geti fylgst vel með hverri og einni, en samt nógu stór til að skapa góða stemningu og samfélag.

Að loknu námskeiði er boðið upp á framhalds námskeið.