Í SKJÓLI
Skýr leið fyrir þá sem glíma við einkenni eftir myglu og umhverfisálag.
Leiðsögn sem hjálpar þér að byggja líkamann upp aftur, eitt skref í einu.
Þú ert líklega búin(n) að reyna margt.
Kannski byrjuðu einkennin eftir að þú bjóst eða vannst í rakaskemmdu húsnæði.
Kannski komu einkennin smám saman og enginn gat útskýrt af hverju þér leið svona.
Kannski hefurðu lengi reynt að gera allt „rétt“. Breytt mataræðinu, tekið bætiefni og leitað að svörum , en líður samt ekki eins og sjálfri/sjálfum þér.
Ef þetta hljómar kunnuglega ert þú ekki ein(n).
✓ Þú finnur fyrir þreytu sem hvíld lagar ekki.
✓ Þú átt erfitt með einbeitingu eða upplifir „heilaþoku“.
✓ Líkaminn bregst sterkt við lykt, efnum eða ákveðnu umhverfi.
✓ Þú finnur fyrir bakslögum þegar þú reynir að gera of mikið.
✓ Þú hefur leitað hjálpar en upplifir að fá ekki skýrar útskýringar.
✓ Þú veist að eitthvað hefur breyst í líkamanum, en veist ekki hvernig þú átt að halda áfram.
Það sem þú ert að upplifa er raunverulegt.
Það þýðir ekki að líkaminn sé að vinna gegn þér.
Stundum er hann einfaldlega fastur í langvarandi viðbragðsstöðu eftir mikið álag.
Í Skjóli lærirðu hvernig hægt er að styðja bataferlið með rólegri og markvissri nálgun.
Af hverju hefur þetta verið svona erfitt?
Margir sem veikjast eftir myglu eða annað langvarandi umhverfisálag leita í fyrstu að einni skýrri skýringu eða einni lausn.
En þegar líkaminn hefur verið undir álagi í langan tíma er sjaldnast aðeins einn þáttur sem þarf að skoða.
Svefn, streita, taugakerfið, meltingin, næringarástand, hreyfing og umhverfið sjálft geta allt haft áhrif á hvernig þér líður og hvernig líkaminn nær að jafna sig.
Þess vegna upplifa margir að þeir hafi prófað ýmislegt sem hjálpaði tímabundið en náðu aldrei raunverulegum stöðugleika.
Líkaminn er ekki að vinna gegn þér.
Hann er að reyna að vernda þig.
Við langvarandi álag getur líkaminn farið í stöðuga viðbragðsstöðu þar sem hann verður sífellt á varðbergi.
Markmið Í Skjóli er ekki að berjast við líkamann heldur að styðja hann í að finna meira öryggi, jafnvægi og ró, skref fyrir skref.
Í Skjóli byggir á fjórum grunnstoðum sem styðja bata og endurheimt.
Heilnæmt umhverfi
Draga úr álagi líkamans
Við lærum hvernig draga má úr útsetningu fyrir þáttum sem geta viðhaldið einkennum og skapað líkamanum betri aðstæður til bata.
Taugakerfið
Meira öryggi og jafnvægi
Þú lærir hvernig streita og langvarandi álag hafa áhrif á líkamann og færð æfingar sem hjálpa taugakerfinu að róast.
Orkustjórnun
Byggja orkuna upp á ný
Raunhæf verkfæri sem hjálpa þér að byggja orkuna upp án þess að lenda í endurteknum bakslögum.
Grunnþarfir
Næring og enduruppbygging
Svefn, melting, næring og daglegar venjur sem styðja líkamann og skapa betri grunn fyrir bata.
Þú þarft ekki að finna út úr þessu ein(n)
Þú hefur eflaust fengið upplýsingar úr mismunandi áttum, hlustað á hlaðvörp, lesið bækur, skoðað facebook hópa, horft á myndbönd og lesið rannsóknir. Kannski hefurðu jafnvel prófað ýmislegt sem lofaði góðu.
Það sem oft vantar er ekki meiri upplýsingar.
Heldur skýra leið um hvað á að gera næst.
Í Skjóli færðu skýra leið.
Í stað þess að reyna allt í einu færðu leið sem hjálpar þér að einbeita þér að því sem skiptir mestu máli hverju sinni.
✓ Vikuleg leiðsögn
✓ Skref sem byggja hvert á öðru
✓ Stuðning þegar á þarf að halda
✓ Samfélag sem skilur þína reynslu
✓ Verkfæri sem auðvelt er að innleiða
Þú getur byrjað strax í dag að auka orkuna þína, með öruggri leiðsögn í gegnum allt ferlið.
Í Skjóli færðu meðal annars:
✓ 6 vikna heildræna leiðsögn í gegnum appið.
✓ Vikulegt einstaklingssímtal með Lindu (6 samtöl).
✓ Nýtt efni og verkefni í hverri viku sem leiða þig áfram.
✓ Mánaðarlegt opið hús í Endurheimt Heilsumiðstöð (3 skipti á tímabilinu).
✓ Einfaldar og raunhæfar leiðir til að bæta mataræði og lífsstíl.
✓ Upptökur af bandvefslosun og æfingum til að róa taugakerfið.
✓ Leiddar hugleiðslur, öndunaræfingar og vagus-æfingar.
✓ Vinnubók og verkefni fyrir hverja viku sem hjálpa þér að festa breytingarnar í sessi.
✓ 3 mánaða aðgangur að námskeiðinu og öllu námsefninu.
Samverustund í Skjóli
Einu sinni í mánuði hittumst við í Endurheimt Heilsumiðstöð í hlýju og öruggu umhverfi.
Þar geturðu tekið þátt í fræðslu, slökun eða einfaldlega notið rólegrar samveru með öðrum þátttakendum.
Þú velur sjálf hvort og hvernig þú tekur þátt.
Samverustundirnar eru yfirleitt fyrsta þriðjudag hvers mánaðar kl. 19:30, en nákvæm dagsetning er alltaf send þátttakendum fyrirfram.
Af hverju varð Í Skjóli til?
Á Íslandi hefur lengi skort sérhæfða og skipulagða leiðsögn fyrir fólk sem glímir við langvarandi einkenni eftir myglu og umhverfisálag.
Margir standa því einir með flókin einkenni og þurfa sjálfir að leita svara úr ótal áttum.
Í Skjóli varð til vegna þess að ég trúði því að það ætti að vera til skýrari leið
og er fyrsta sérhæfða úrræðið á Íslandi fyrir fólk sem glímir við langvarandi einkenni eftir myglu og umhverfisálag.
Leið sem sameinar fagþekkingu, klíníska reynslu og raunhæf verkfæri í eitt úrræði.
Í stað þess að leita að einni töfralausn byggir Í Skjóli á rólegri, stigvaxandi og einstaklingsmiðaðri nálgun sem tekur mið af því að bati gerist yfir tíma.
Fræðilegur grunnur
Leiðin hefur mótast í gegnum yfir 20 ára klíníska reynslu sem sjúkraþjálfari, áratug af sérhæfingu í umhverfisveikindum og eigin reynslu af bata eftir langvarandi umhverfisálag.
Markmið mitt hefur alltaf verið að tengja saman það besta úr klínískri reynslu, rannsóknum og raunverulegri reynslu fólks sem hefur gengið í gegnum svipað ferli.
Í Skjóli byggir meðal annars á viðurkenndum klínískum leiðbeiningum og þeirri þekkingu sem þróuð hefur verið hjá Bateman Horne Center, sem hefur um árabil verið leiðandi á sviði langvinnra veikinda, orkuskömmtunar og endurhæfingar einstaklinga með flókin einkenni.
Samhliða þeirri nálgun nýtist þekking úr sjúkraþjálfun, lífeðlisfræði, verkjastjórnun, taugakerfisfræðum og heildrænni endurhæfingu til að skapa skýra og raunhæfa leið fyrir fólk sem glímir við langvarandi einkenni eftir myglu og annað umhverfisálag.
Hæ, ég heiti Linda
Fyrir rúmum áratug breyttist lífið mitt þegar ég veiktist sjálf eftir langvarandi útsetningu í rakaskemmdu húsnæði.
Ég veit því hvernig það er að upplifa að líkaminn hætti skyndilega að haga sér eins og áður.
Ég veit líka hvernig það er að leita svara, prófa ótal leiðir og finna fyrir vonleysi þegar enginn virðist geta sett púslin saman.
Sem sjúkraþjálfari hafði ég þó eitt forskot.
Ég hafði faglegan grunn til að skilja líkamann og gat smám saman byggt upp þekkingu sem sameinaði klíníska reynslu, rannsóknir og eigin reynslu af bataferlinu.
Í dag hef ég varið síðasta áratug í að sérhæfa mig í endurhæfingu eftir umhverfisveikindi og hjálpa öðrum að finna skýrari leið áfram.
Í Skjóli byggir á:
• yfir 20 ára klínískri reynslu sem sjúkraþjálfari
• áratug af sérhæfingu í umhverfisveikindum
• viðurkenndum klínískum leiðbeiningum
• eigin reynslu af bataferli
Ég trúi því ekki að allir fari sömu leið.
En ég trúi því að allir eigi skilið að fá leið sem byggir á skilningi, virðingu og raunhæfum skrefum.
Það er ástæðan fyrir því að Í Skjóli varð til.
Ef Í Skjóli getur sparað þér mörg ár af leit að svörum, þá hefur það náð tilgangi sínum.
Hér eru svör við spurningum sem margir velta fyrir sér áður en þeir byrja.
Í Skjóli er fyrir einstaklinga sem glíma við langvarandi einkenni eftir myglu, rakaskemmt húsnæði eða annað umhverfisálag. Leiðin hentar þeim sem vilja skilja betur hvað er að gerast í líkamanum og fá skýra, raunhæfa leiðsögn til að byggja sig upp aftur.
Nei. Í Skjóli kemur ekki í stað læknisþjónustu eða annarrar heilbrigðisþjónustu. Leiðin er fræðslu- og leiðsagnarúrræði sem byggir á klínískri reynslu, viðurkenndum leiðbeiningum og verkfærum sem styðja bataferlið samhliða annarri meðferð þegar við á.
Þú ert ekki ein/n í því 🤎
Þú lærir að hlusta á líkamann þinn og velja það sem styður við þig á þínum hraða.
Það er ótrúlega mikið af allskonar upplýsingum á netinu sem getur verið mjög ruglingslegt, kannski ertu búin að kaupa fullt af bætiefnum en veist svo ekki alveg í hvaða röð þú átt að taka þau eða afhverju yfir höfuð þú keyptir þau. Á námskeiðinu Í SKJÓLI förum við saman skref fyrir skref yfir öll þessi atriði. Ég útskýri ferlið vel og ástæður fyrir mikilvægi þess að taka skrefin í réttri röð til að hámarka árangur. Ég hef sjálf verið á þeim stað að þurfa að finna út úr þessu sjálf og það er ástæðan fyrir að ég setti saman námskeiðið Í SKJÓLI, til þess að þú gætir í öryggi treyst ferlinu og byrjað að endurheimta heilsuna þína á ný.
Það er mjög skiljanlegt að hafa áhyggjur af því. Í raun er leiðin sérstaklega hönnuð með það í huga. Þú þarft ekki að gera allt í einu. Efnið er brotið niður í lítil og raunhæf skref svo þú getir farið á þínum eigin hraða án þess að upplifa óþarfa pressu.
Þú getur byrjað strax.
Á námskeiðinu er sérstakur kafli (Styrkur í storminum) þar sem eru leiðbeiningar hvernig þú getur byrjað að huga að heilsunnni þrátt fyrir að vera enþá í rakaskemmdu húsnæði (vinna, heimili).
Einnig er farið yfir það að hverju skal huga þegar framkvæmdir eru í vændum til að hindra krossmengun og fleira.
Þú þarft ekki mikinn tíma í einu.
Flest efnið er stutt og hnitmiðað og daglegar æfingar taka oft aðeins nokkrar mínútur.
Það mikilvægasta er ekki að gera allt, heldur að velja það sem þú hefur rými fyrir og vera stöðug/ur í því.
Það er alveg eðlilegt.
Það er ekki hægt að mistakast á þessu námskeiði.
Þú getur alltaf haldið áfram þar sem þú varst eða farið til baka ef þú þarft.
Námskeiðið er hannað þannig að það styðji þig, ekki að þú upplifir það sem streituvald.
Þú færð vikuleg (6x) stuðning samtöl frá mér yfir tímabilið. Það verður vel haldið utan um þig á þessu námskeiði.
Þú færð einnig aðgang að samfélagi þar sem við hittumst einu sinni í mánuði, til að fá stuðning, dýpka efnið og tengjast öðrum á svipaðri vegferð.
Þú færð aðgang að Í Skjóli í gegnum notendavænt app sem virkar bæði í síma og tölvu. Þar finnurðu allt efnið á einum stað og getur farið yfir það hvenær sem þér hentar.
Þú færð aðgang að efninu á appinu í 3 mánuði eftir skráningu.
Þú getur farið á þínum hraða og leitað aftur í efnið hvenær sem þú þarft.
Í Skjóli er fyrsta sérhæfða úrræðið á Íslandi sem hefur verið þróað sérstaklega fyrir fólk sem glímir við langvarandi einkenni eftir myglu og umhverfisálag. Leiðin sameinar klíníska reynslu, viðurkenndar leiðbeiningar og raunhæf verkfæri í skýrt og stigvaxandi ferli sem auðvelt er að fylgja.
Já. Margir upplifa langvarandi einkenni eftir myglu eða umhverfisálag án þess að hafa fengið formlega greiningu. Í Skjóli er lögð áhersla á að skilja líkamann og styðja bataferlið út frá einkennum og stöðu hvers og eins.
Nei. Markmið Í Skjóli er ekki að selja þér vörur heldur að hjálpa þér að skilja hvað skiptir mestu máli fyrir þig. Ef rætt er um bætiefni eða aðrar leiðir er það alltaf sett fram sem fræðsla og einstaklingsmiðaðar hugmyndir, ekki sem krafa til að taka þátt.
Umsagnir þátttakenda Í Kjarna
Byrjaði að taka markviss skref í átt að bata
Í Skjóli gaf mér loksins skýra leiðsögn um mataræði, bætiefni og hvernig ég gæti stutt líkamann eftir myglu. Ég fékk betri skilning á því sem var að gerast og gat loksins byrjað að taka markviss skref í átt að bata. Með stuðningi Lindu náði ég meira að segja að komast aftur af stað í hreyfingu.
- Sigurlaug
Ég fór mun meðvitaðri og jákvæðari út úr námskeiðinu
Frábært námskeið sem gerði mikið fyrir mig. Ég fór mun meðvitaðri og jákvæðari út úr því. Ég hef prófað mörg námskeið, en námskeiðið hjá Lindu stendur klárlega upp úr. Nærvera hennar og hlýja skapa einstakt öryggi. Ég mæli heilshugar með því.
- Guðlaug